წესები და პირობები
წესები და პირობები
ეს წესები და პირობები ვრცელდება ყველა აუქციონზე და პირდაპირ გაყიდვებზე, რომლებიც ტარდება ვებგვერდზე www.auctiongouse.ge ანდა www.tbilisis.com შპს „თბილისის სააუქციონო სახლის“-ის (Tbilisi Auction House), ან შპს „თბილისი გლობალ“-ის (Tbilisi Global) მიერ ან ერთობრლივად ("ონლაინ გაყიდვები" და "ონლაინ აუქციონი"). ინფორმაცია, რომელიც ვრცელდება გაყიდვასთან დაკავშირებით, ასევე შეიძლება განთავსდეს ონლაინ გაყიდვების კატალოგში და/ან სპეციალურ შეტყობინებებში ჩვენს შესაბამის ვებგვერდებზე. თქვენი პასუხისმგებლობაა გაეცნოთ ამ ინფორმაციას.
ვებგვერდები www.auctiongouse.ge და www.tbilisis.com ამ წესებში მოიხსენიება როგორც ვებგვერდი.
შპს ,,თბილისის სააუქციონო სახლი“ და შპს ,,თბილისი გლობალ“ ამ წესებში მოიხსენიება როგორც ,,თბილისის“ ან ,,სააუქციონო სახლი“ ან ,,აუქციონერი“.
ვებგვერდზე ლოტის ან ნივთის შეძენის მიზნით რეგისტრაციით, თქვენ პირდაპირ ეთანხმებით შემდეგს:
• ამ წესებს და პირობებს, მათ შორის, ჩვენი და გამყიდველის პასუხისმგებლობის შეზღუდვებს, რომლებიც შეტანილია მასში;
• ნასყიდობის ხელშეკრულებას გამყიდველსა და მყიდველს შორის, რომელიც მოყვანილია ქვემოთ - #1 დანართში;
• მყიდველის ხელშეკრულებას სააუქციონო სახლთან - მითითებულია ქვემოთ - #2 დანართში;
• შეტყობინებას ონლაინ პრეტენდენტებისთვის;
• ისეთ ინფორმაციას, რომელიც ხელმისაწვდომია ჩვენს ვებგვერდზე ონლაინ გაყიდვისთვის;
• თბილისის სააუქციონო სახლის ვებგვერდის გამოყენების პირობებს.
1. ჩვენი როლი
1.1. სააუქციონო სახლის როლს წარმოადგენს ლოტი მიყიდოს პრეტენდენტს აუქციონის მიმდინარეობისას არსებულ ყველაზე მაღალ ფასად. სააუქციონო სახლი არ უწევს კონსულტაციას მყიდველებს ან პრეტენდენტებს. ლოტის გაყიდვის ხელშეკრულება იდება გამყიდველთან და არა სააუქციონო სახლთან. სააუქციონო სახლი მოქმედებს მხოლოდ როგორც გამყიდველის აგენტი (თუ თავად სააუქციონო სახლი არ ყიდის ლოტს, როგორც მესაკუთრე). სააუქციონო სახლი არ იღებს ვალდებულებას პრეტენდენტების ან მყიდველის მიმართ შეისწავლოს და გამოიკვლიოს ზოგადად თუ სიღრმისეულად თითოეული ლოტი, რათა დაადგინოს გამყიდველის ან/და ნებისმიერი პირის მიერ გადმოცემული აღწერილობების ან მოსაზრებების სიზუსტე ან სისრულე, იქნება ეს კატალოგში თუ სხვაგან. მყიდველს არ უნდა ჰქონდეს პრეზუმფცია რომ მსგავსი კვლევა მოხდა. სააუქციონო სახლი არ იღებს ვალდებულებას ან პასუხისმგებლობას (კონტრაქტით თუ დელიქტით) ნებისმიერი განცხადების ან რეკლამაციის სიზუსტესა და სისრულესთან დაკავშირებით, რომელიც გაკეთებულია სააუქციონო სახლის მიერ ან სააუქციონო სახლის სახელით რაიმე ლოტის აღწერილობასა თუ რომელიმე ლოტის მოსალოდნელ ან სავარაუდო გასაყიდ ფასთან დაკავშირებით. არც ერთი განცხადება ან რეკლამაცია სააუქციონო სახლის მიერ ან მისი სახელით, რომელიც აღწერს რომელიმე ლოტს ან რაიმე შეფასებას, არ წარმოადგენს ამ ხელშეკრულების ან მისი რომელიმე დანართის ნაწილს და არ წარმოშობს სააუქციონო სახლის ვალდებულებას ან პასუხისმგებლობას.
1.2. გამყიდველი უფლებას აძლევს „თბილისის“, გაყიდოს ლოტი, როგორც მისმა აგენტმა, გამყიდველის სახელით (გარდა იმ შემთხვევისა, როდესაც პირდაპირ არის საწინააღმდეგო მითითებული). სააუქციონო სახლი მოქმედებს მხოლოდ როგორც გამყიდველის აგენტი. თუ პრეტენდენტი შეიძენს ლოტს, ამ ეტაპზე „თბილისის“ დებს ხელშეკრულებას მყიდველთან „მყიდველის ხელშეკრულებაში“ მოცემული პირობების შესაბამისად (დანართი #2). გარდა „მყიდველის ხელშეკრულებაში“ გათვალისწინებული პირობებისა სააუქციონო სახლს არ წარმოეშობა სხვა რაიმე ხელშეკრულებით ან დელიქტით ვალდებულება ან პასუხისმგებლობა მყიდველის მიმართ.
1.3. გამყიდველი არ იღებს პასუხისმგებლობას მის მიერ ან მისი სახელით გაკეთებული ნებისმიერი განცხადების ან რეკლამაციას ინფორმაციის სიზუსტესთან ან სისრულესთან დაკავშირებით, რომელიც რაიმე სახით აღწერს ლოტს ან რომელიმე ლოტის მოსალოდნელ ან სავარაუდო ღირებულებას. გარდა ზემოაღნიშნულისა, არცერთი განცხადება ან რეკლამაცია, რომელიც აღწერს ლოტს ან რაიმე შეფასებას, არ არის შეტანილი გამყიდველსა და მყიდველს შორის ნასყიდობის ხელშეკრულებაში.
2. ლოტი
2.1. ლოტები, გაიყიდება მყიდველზე „როგორც არის“ ფორმატით, ყველა ხარვეზითა და ნაკლოვანებით. ნებისმიერი ლოტის ილუსტრაციები და ფოტოები მხოლოდ საიდენტიფიკაციო მიზნებისთვისაა. ფოტო ან ილუსტრაცია შეიძლება არ ასახავდეს ლოტის ფერ(ებ)ის ზუსტ რეპროდუქციას ან რეალურ მდგომარეობას. „თბილისის“ არ იღებს პასუხისმგებლობას ლოტის სხვადასხვა ასპექტების სიზუსტეზე და სისწორეზე მათ შორის მისი ავტორობა, ატრიბუცია, მდგომარეობა, წარმოშობა, ისტორია, წარმომავლობა, ავთენტურობა, სტილი, პერიოდი, ასაკი, ვარგისიანობა, ხარისხი, ტექნიკური უზრუნველყოფა (თუ შესაბამისობა) და ღირებულება.
2.2. ლოტის რეალური მდგომარეობა შეიძლება არ იყოს ისეთი, როგორც ეს ჩანს მის იერსახეზე. კერძოდ, ნაწილები შეიძლება იყოს შეცვლილი ან განახლებული და ლოტი შეიძლება არ იყოს დამაკმაყოფილებელი ხარისხის. ლოტის შიგთავსი შეიძლება არ იყოს ხილული და არ იყოს დედანი ან იყოს დაზიანებული. ლოტის ასაკის გათვალისწინებით, ის შეიძლება დაზიანებული და/ან რესტავრირებული იყოს, შესაბამისად მყიდველს არ უნდა გააჩნდეს პრეზუმფცია ლოტის მდგომარეობის იდეალურობაზე.
2.3. ელექტრონული ან მექანიკური ნივთები ან ნაწილები იყიდება მათი მხატვრული, ისტორიული ან კულტურული ინტერესების გათვალისწინებით და შეიძლება არ მუშაობდეს ან არ შეესაბამებოდეს მიმდინარე ნორმატიულ მოთხოვნებს. მყიდველმა არ უნდა მიიჩნიოს, რომ ელექტრული ნივთები, რომლებიც შექმნილია მაგისტრალური ელექტროენერგიით ფუნქციონირებისთვის, შესაფერისი იქნება ქსელის ელექტრომომარაგებასთან დასაკავშირებლად. ამის გაკეთებამდე უნდა მიიღოთ რჩევა კვალიფიციური ელექტრიკოსისგან მათი სტატუსის შესახებ. ამგვარი ნივთები მხოლოდ საგამოფენო/საკოლექციო მიზნით იყიდება.
3. ლოტების აღწერა და შეფასება
3.1. მყიდველსა და გამყიდველს შორის ხელშეკრულების დადებისას, ლოტის სახელშეკრულებო აღწერად ჩაითვლება სათაურში ნათლად გამოკვეთილი მითითებული ინფორმაცია (გარდა ფერისა). სხვა დანარჩენი ინფორმაცია, რომელიც შეიძლება იყოს აღწერაში მითითებული არ წარმოადგენს ლოტზე გარიგების საფუძველს. საიტზე განთავსებული ლოტის აღწერა წარმოადგენს მხოლოდ „თბილისის“ აზრს და ის არ არის მყიდველსა და გამყიდველს შორის დადებული ნასყიდობის ხელშეკრულების ნაწილი.
3.2. მდგომარეობის ანგარიში წარმოადგენს „თბილისის“ გონივრულ აზრს ლოტის ზოგად მდგომარეობასთან დაკავშირებით კონკრეტულ ანგარიშში მითითებულ პირობებთან ერთად. სააუქციონო სახლი ან გამყიდველი არ იძლევა გარანტიას და არ აცხადებს, რომ მდგომარეობის ანგარიში მოიცავს ლოტის მდგომარეობის ყველა ასპექტს.
4. რეგისტრაცია
4.1. პლატფორმების მომსახურებით სრულყოფილად სარგებლობისთვის აუცილებელია ანგარიშის (პროფილი) შექმნა. ანგარიშის გასახსნელად უნდა მიჰყვეთ პლატფორმაზე განთავსებულ ინსტრუქციას, მიუთითოთ მოთხოვნილი ინფორმაცია და საჭიროებისამებრ, გაიაროთ ვერიფიკაცია.
4.2. რეგისტრაციისათვის მომხმარებელი უნდა იყოს 18 წელს გადაცილებული პირი.
4.3. ანგარიშის (პროფილის) შექმნის დროს მითითებული მონაცემების სიზუსტეზე სრული პასუხისმგებლობა გეკისრებათ თქვენ.
4.4. პლატფორმაზე რეგისტრაციისა და ვერიფიკაციის შემდეგ, ვებგვერდის ან/და აპლიკაციის გამოყენებას შეძლებთ ავტორიზაციის წარმატებით გავლის შემდეგ. ავტორიზაცია ხორციელდება თქვენს მიერ დაფიქსირებული ელ-ფოსტის, ტელეფონის ნომრით და პაროლის საშუალებით.
4.5. აკრძალულია მომხმარებლის სახელში ნებისმიერი სახის შეურაცხმყოფელი ფრაზის მითითება.
4.6. აკრძალულია ერთი მომხმარებლის/კლიენტის მიერ ერთზე მეტი პროფილის (ანგარიშის) გახსნა/ფლობა/მართვა.
4.7. თქვენ ვალდებული ხართ, უზრუნველყოთ თქვენს პირად ანგარიშზე (პროფილზე) არსებული ინფორმაციის სიზუსტე და მისი განახლება. „თბილისის“ არ იქნება პასუხისმგებელი თქვენს მიერ აღნიშნული ვალდებულების შეუსრულებლობით გამოწვეულ არანაირ ზიანზე. ,,თბილისის“ უფლებამოსილია, ნებისმიერ დროს მოითხოვოს თქვენგან ინფორმაციის სისწორის დადასტურება ან დოკუმენტების ან სხვაგვარი მტკიცებულების წარმოდგენა.
4.8. უსაფრთხოებიდან გამომდინარე გირჩევთ შეარჩიოთ რთული პაროლი, რომელიც შედგება ციფრების, სხვადასხვა სიმბოლოებისა და ასოებისაგან და პერიოდულად მოახდინეთ მისი განახლება. არ გაუმაჟღვნოთ თქვენი პაროლი მესამე პირებს.
4.9. თქვენ პასუხისმგებლობას იღებთ თქვენი ანგარიშით განხორციელებულ ნებისმიერ ქმედებაზე. იმ შემთხვევაში, თუ პირი სხვისი სახელითა და მითითებით ახორციელებს წვდომას თქვენს ანგარიშზე, იგულისხმება, რომ მას გააჩნია საკმარისი უფლებამოსილება, იმოქმედოს თქვენი სახელით. სააუქციონო სახლი არ არის პასუხისმგებელი მესამე პირის მიერ თქვენს ანგარიშზე უნებართვო ან თქვენი ნებართვით განხორციელებულ წვდომისას დამდგარ ზიანზე.
4.10. ანგარიშის დეტალების უსაფრთხო შენახვაზე პასუხისმგებლობა გეკისრებათ თქვენ. იმ შემთხვევაში თუ თქვენ გაქვთ ეჭვი, რომ მესამე პირს აქვს თქვენი ანგარიშის დეტალები, დაუყოვნებლივ შეცვალეთ იგი ან დაგვიკავშირდით.
4.11. იურიდიული პირის მიერ რეგისტრაციის შემთხვევაში თქვენ უნდა აირჩიოთ იურიდიული პირის ანგარიშის შექმნის ვარიანტი და შემდეგ მიუთითოთ თქვენი სრული სახელი, ელექტრონული ფოსტა, საცხოვრებელი მისამართი, შექმნის თარიღი და კომპანიის სრული სახელი. თქვენ უნდა მიაწოდოთ საკრედიტო ბარათი გადამოწმებისთვის თქვენი სახელით ან კომპანიის სახელით, მაგრამ გადახდა უნდა განხორციელდეს კომპანიის სახელით არსებული ანგარიშიდან. თუ თქვენი საკრედიტო ბარათი ვერ დადასტურდება, თქვენ არ გექნებათ უფლება გააკეთოთ შეთავაზება. ამ შემთხვევაში უნდა დაუკავშირდეთ კლიენტთა სერვისებს დახმარებისთვის. ჩვენ შეიძლება დამატებით მოვითხოვოთ საბანკო მითითება ან დეპოზიტი, ყველა წარმატებული აუქციონისთვის ჩვენ გვჭირდება კომპანიის დაფუძნების სერტიფიკატი ან ეკვივალენტური დოკუმენტაცია, რომელიც ადასტურებს კომპანიის სახელწოდებას და რეგისტრირებულ მისამართს, დოკუმენტური მტკიცებულება თითოეული ბენეფიციარი მფლობელის შესახებ ვინც ფლობს კომპანიის 25% ან მეტს, და თქვენი უფლებამოსილების დამადასტურებელი მტკიცებულება - ლოტის გაცემამდე.
4.12. ჩვენ ვიტოვებთ უფლებას მოვითხოვოთ ნებისმიერი დამატებითი ინფორმაცია ნებისმიერი პრეტენდენტისგან, რომელიც შეიძლება საჭირო გახდეს ჩვენ მიერ ჩატარებული იდენტიფიკაციის, ფულის გათეთრების ან ტერორიზმის დაფინანსების საწინააღმდეგო შემოწმების განსახორციელებლად. ჩვენ შეგვიძლია ჩვენი შეხედულებით შევაჩეროთ ან გავაუქმოთ თქვენი რეგისტრაცია, არ მოგცეთ უფლება განახორციელოთ შეთავაზება ან/და დავაყოვნოთ ან გავაუქმოთ დასრულებული აუქციონის შედეგი.
4.13. რეგისტრაცია საჭიროებს თქვენ შესახებ გარკვეული ინფორმაციის წარდგენას. იმ შემთხვევაში, თუ თქვენ არ დააკმაყოფილებთ ჩვენი პრეტენდენტის რეგისტრაციის მოთხოვნებს, რაშიც შედის (მაგრამ არ შემოიფარგლება) ჩვენ მიერ ჩატარებული იდენტიფიკაციის, ფულის გათეთრების ან ტერორიზმის დაფინანსების საწინააღმდეგო შემოწმებები, ჩვენი შეხედულებით ჩვენ შეიძლება შევაჩეროთ ან გავაუქმოთ თქვენი რეგისტრაცია, არ მოგცეთ უფლება განახორციელოთ შეთავაზება და/ან დავაყოვნოთ ან გავაუქმოთ დასურლებული აუქციონის შედეგი. ,,თბილისის“ არ არის ვალდებული აგიხსნათ თუ რა გახდა რეგისტრაციის შეჩერების ან გაუქმების, დასრულებული აუქციონის დაყოვნების ან გაუქმების საფუძველი.
4.14. თუ პირი აუქციონში მონაწილეობს როგორც მესამე პირის წარმომადგენელი, აუქციონში მონაწილეობით ეთანხმება შემდეგ წესებს:
(I) მოგვაწოდოს ისეთი ინფორმაცია, რომელიც ჩვენს მიერაა მოთხოვნილი, რათა მოგვეცეს საშუალება, დავასრულოთ იდენტიფიკაცია, ფულის გათეთრების და ანტიტერორისტული შემოწმებები მის მიერ წარმოდგენილ მხარეზე.
(II) აუქციონში გამარჯვების შემთხვევაში წარმომადგენელს ეკისრება სოლიდარული პასუხისმგებლობა, თანხების გადახდაზე მის მიერ წარმოდგენილ პირთან ერთად.
5. თაღლითობა
5.1. აუქციონერი არ იძლევა გარანტიას ნივთის ავთენტურობაზე. ლოტი იყიდება „როგორც არის“ ფორმატში. „თბილისის“ არ აწარმოებს სიღრმისეულ კვლევას ლოტის წარმომავლობასა და სხვა რელევანტურ საკითხებზე რომელიც აბსოლუტური სიზუსტით დაადგენდა ლოტის ავთენტურობას.
5.2. მე-5 პუნქტის მიზნებისათვის ყალბ ლოტად ჩაითვლება ის ლოტი, რომელიც გამყიდველის მიერ თაღლითური ქმედებით, ემსახურებოდა მყიდველის შეცდომაში შეყვანას.
5.3. ნებისმიერი ლოტის შემთხვევაში, აუქციონერის ავთენტურობის გარანტია ვრცელდება მხოლოდ თავდაპირველ მყიდველზე (როგორც ნაჩვენებია აუქციონის ჩანაწერებში).
5.4. თუ აუქციონის საშუალებით გასხვისებული ნივთი აღმოჩნდება ყალბი, მყიდველის მიერ ნივთის დაბრუნების და გაყალბების ფაქტის დადასტურების შემდგომ, იმ შემთხვევაში თუ სააუქციონო სახლს არ აქვს ნივთის ღირებულება გამყიდველისათვის გადაცემული, სააუქციონო სახლი უკან დაუბრუნებს მყიდველს გადახდილ თანხას.
5.5. მოცემული თავის მოწესრიგება გავრცელდება ურთიერთობაზე იმ შემთხვევაში თუ:
(I) თქვენი სახელი ფიქსირდება, როგორც გაგზავნილ ინვოისში დასახელებული პირი და ეს ინვოისი გადახდილია;
(II) თქვენ წერილობით, რაც შეიძლება მოკლე ვადაში - შეგვატყობინებთ მას შემდეგ, როდესაც გაქვთ საფუძვლიანი ეჭვი იმისა, რომ ლოტი არის ან შეიძლება იყოს ყალბი.
(III) ასეთი შეტყობინების მიღებიდან ერთი თვის განმავლობაში, თქვენ გვიბრუნებთ ლოტს იმავე მდგომარეობაში, როგორც ის იყო ონლაინ გაყიდვის დროს, რასაც თან უნდა ახლდეს წერილობითი მტკიცებულება, რომ ლოტი არის ყალბი, ასევე, გაყიდვისა და ლოტის დეტალები და ლოტის საიდენტიფიკაციო ნომერი.
5.6. მყიდველი სააუქციონო სახლს აძლევს უფლებას, ნივთის სიყალბის გამოკვლევის ეტაპზე ჩაატაროს ნებისმიერი სახის ტესტი რომელსაც სააუქციონო სახლი მიიჩნევს აბსოლუტურად საჭიროდ რათა დადგინდეს, ლოტის ავთენტურობა.
5.7. თუ მყიდველი გაყიდის ან სხვაგვარად გაასხვისებს მსგავსს ლოტს, მე-5 თავით გათვალისწინებული ყველა უფლება ჩამოერთმევა მას და არ წარმოეშობა შემძენს.
6. ბიჯის განხორციელება ონლაინ აუქციონში
6.1. თითოეულ ლოტზე აუქციონი გაიხსნება ამ ლოტის დეტალებში მითითებულ საწყის ფასად და გაიზრდება ლოტისთვის გათვალისწინებული ბიჯით.
6.2. ნებისმიერ ლოტს შესაძლოა ჰქონდეს სარეზერვო თანხა განსაზღვრული. სარეზერვო თანხაა ის მინიმალური ფასი, რომლითაც შეიძლება ლოტი გაიყიდოს.
6.3. ბიჯის განხორციელება შესაძლებელია მხოლოდ ამ ლოტზე გამართული აუქციონის მიმდინარეობის პერიოდში.
6.4. გთხოვთ, გაითვალისწინოთ, რომ ონლაინ აუქციონის მიმდინარეობისას ყველა შეთავაზება (ბიჯი) უნდა განხორციელდეს იმ ქვეყნის ვალუტაში, სადაც მიმდინარეობს ონლაინ გაყიდვა, თუ სხვა რამ არ არის მითითებული ლოტის შესახებ გამოცხადებულ ინფორმაციაში. აუქციონში წარმატებულად მონაწილეობისა და გამარჯვების შემთხვევაში ლოტის საფასური გადახდილ უნდა იქნას ადგილობრივ ვალუტაში.
6.5. ონლაინ გაყიდვის დროს, ბიჯის განხორციელება ხდება Bid ღილაკზე დაჭერით. თითოეული შეთავაზება იქნება საბოლოო და სავალდებულო, როგორც კი დააჭერთ ღილაკზე Bid თქვენ ეთანხმებით, რომ თითოეულ წარმოდგენილ წინადადებას აქვს მბოჭავი ხასიათი და არ შეიძლება შეიცვალოს ან შესწორდეს, მაშინაც კი, თუ შეცდომით არის წარმოდგენილი და მოწოდებული ჩვენთვის. თქვენ იღებთ სრულ პასუხისმგებლობას ყველა წინადადებაზე, რომელიც განხორციელდა თქვენი ონლაინ ანგარიშის მეშვეობით (მათ შორის, იღებთ ვალდებულებას აუქციონში გამარჯვების შემთხვევაში ლოტის საფასური გადაიხადოთ სრულად და დროულად - სააუქციონო წინადადების პირობების შესაბამისად.)
6.6. აუქციონში გამარჯვებულად ჩაითვლება აუქციონის დახურვის მომენტში არსებული უმაღლესი ბიჯის ავტორი, რომელიც აკმაყოფილებს სააუქციონო სახლის მიერ წარმოდგენილ წესებსა და პირობებს.
6.7. გთხოვთ, გაითვალისწინოთ, რომ „თბილისის“ იტოვებს უფლებას, გააუქმოს ონლაინ ანგარიში, უარყოს მყიდველის მიერ განხორციელებული ნებისმიერი შეთავაზება, არ ცნოს აუქციონში გამარჯვებული შეთავაზება ან განაახლოს აუქციონი ლოტზე - ნებისმიერი მიზეზით, აუქციონის დაწყებამდე, მისი მიმდინარეობისას, გაყიდვის დროს ან მის შემდეგ.
6.8. აუქციონში მონაწილეობა წარმომადგენლობის მეშვეობით. აუქციონში განხორციელებული ბიჯი განიხილება, როგორც ექსკლუზიურად განთავსებული შემოთავაზება რეგისტრირებული პირის მიერ და მისი სახელით. თუ გსურთ სხვა პირის სახელით განათავსოთ ბიჯი, თქვენ უნდა შეავსოთ ზემოთ ჩამოთვლილი წინასწარი რეგისტრაციის მოთხოვნები როგორც თქვენი სახელით, ისე თქვენი წარმოდგენილის სრული დეტალების მითითებით. სააუქციონო სახლი იტოვებს უფლებას მოითხოვოს წერილობით დადასტურება წარმოდგენილისგან, რომელიც დაადასტურებს თქვენს ამგვარ უფლებამოსილებას.
7. მყიდველის გარანტიები
7.1. თქვენ იღებთ ვალდებულებას და იძლევით გარანტიას, რომ არც თქვენ და არც თქვენი (იურიდიული პირის შემთხვევაში) დირექტორი, წარმომადგენელი ან პირის მფლობელი ან მათი დირექტორები ან მეწილე - არ ხართ სუბიექტი, რომელიც არის, ან ეკუთვნის ან კონტროლდება ისეთი ფიზიკური ან იურიდიული პირის მიერ, რომლებიც ექვემდებარება სანქციას, რომელსაც გასცემს და აღასრულებს აშშ-ს სახაზინო დეპარტამენტის საგარეო აქტივების კონტროლის ოფისი, აშშ-ის სახელმწიფოს დეპარტამენტი, გაეროს უშიშროების საბჭო, ევროკავშირი, მისი უდიდებულესობის ხაზინა ან სხვა შესაბამისი სანქციების ორგანო ( „სანქციები“ და „სანქცირებული მხარე“).
7.2. თქვენ იძლევით გარანტიას, რომ თქვენი შესყიდვისთვის გამოყენებული თანხები არ არის დაკავშირებული კრიმინალურ ქმედებებთან, მათ შორის ფულის გათეთრებასთან, გადასახადებისგან თავის არიდებასთან ან ტერორიზმის დაფინანსებასთან, და რომ თქვენ არ ხართ გამოძიების ქვეშ, არც ბრალი წაუყენებიათ და არც ნასამართლევი ხართ რაიმე დანაშაულებრივ საქმიანობასთან დაკავშირებით.
7.3. როდესაც თქვენ მოქმედებთ სხვა მხარის წარმომადგენლის რანგში, თქვენ იღებთ ვალდებულებას და იძლევით გარანტიას, რომ:
(I) თქვენ ჩაატარეთ თქვენს წარმოდგენილ პირთან სათანადო კომპლექსური შემოწმება მოქმედი სანქციების და ფულის გათეთრების საწინააღმდეგო კანონებისა და რეგულაციების შესაბამისად;
(II) თქვენი მარწმუნებელი არ არის სანქცირებული მხარე და არ არის სანქცირებული მხარის საკუთრება, ნაწილობრივი საკუთრება ან მის მიერ კონტროლირებადი, და თქვენ არ გაქვთ საფუძველი შეიტანოთ ეჭვი, რომ თქვენი მარწმუნებელი მსჯავრდებული ან გასამართლებულია ფულის გათეთრებაში, ტერორიზმში ან სხვა დანაშაულებში მონაწილეობისთვის;
(III) თქვენს მიერ აუქციონზე ლოტის შესაძენად გამოყენებული თანხები არ არის დაკავშირებული რაიმე დანაშაულებრივ აქტივობასთან, მათ შორის, გადასახადებისგან თავის არიდებასთან, ფულის გათეთრებასთან ან ტერორიზმის დაფინანსებასთან;
7.4. ჩვენ ვიტოვებთ უფლებას დავადგინოთ თქვენგან მიღებული თანხის წყარო. ამგვარი მოკვლევის მიმდინარეობისას „თბილისის“ იტოვებს უფლებას დაიკავოს ლოტები და/ ან გაყიდვიდან მიღებული შემოსავლები, გადაავადოს ან გააუქმოს ნებისმიერი გაყიდვა და განახორციელოს ნებისმიერი სხვა ქმედება.
8. ხელშეკრულება მყიდველსა და გამყიდველს, და მყიდველსა და „თბილისის“ შორის
8.1. ლოტის დახურვისას ამ ლოტზე ყველაზე მაღალი შეთავაზების მქონე პრეტენდენტი გახდება მყიდველი და ლოტზე ნასყიდობის ხელშეკრულება დაიდება გამყიდველსა და მყიდველს შორის წინამდებარე წესებისა და პირობების #1 დანართში მოცემული ხელშეკრულების პირობებით. მყიდველი ვალდებულია გადაიხადოს შესყიდვის ფასი, რომელიც წარმოადგენს აუქციონში გამარჯვებული ბიჯის ოდენობას პლუს, მყიდველის პრემია, მოქმედი დღგ ან საქართველოს კანონმდებლობით გათვალისწინებული ნებისმიერი სხვა საჭირო გადასახადი და სხვა შესაბამისი ხარჯები.
8.2. ამავდროულად, ასევე გაფორმდება ცალკე ხელშეკრულება „თბილისის“ როგორც აუქციონერსა და მყიდველს შორის. ხელშეკრულების პირობები მოცემულია წესები და პირობების #2 დანართში.
8.3. ჩვენ ვიტოვებთ უფლებას შევცვალოთ როგორც წესები და პირობები, ასევე ხელშეკრულებები რომლებიც დანართის სახით არის მოცემული. შეცვლილი პირობები განთავსდება ,,თბილისის“ ვებ-გვერდზე. თქვენი პასუხისმგებლობაა გაეცნოთ და ინფორმირებული გახდეთ განახლებული პირობების შესახებ.
9. მყიდველის პრემია და მყიდველის სხვა გადასახადები
9.1. მყიდველის ხელშეკრულების თანახმად, პრემია (მყიდველის პრემია) მყიდველმა უნდა გადაიხადოს წინამდებარე წესებისა და პირობების #2 დანართის შესაბამისად - ქვემოთ ჩამოთვლილი ტარიფებით, რომელიც გამოითვლება Hammer Price-ზე (აუქციონის დასრულების მომენტში გამარჯვებული ბიჯის ოდენობა) მითითებით და გადასახდელია მასზე დამატებით.
9.2. მყიდველის პრემია მერყეობს 0%-28%-მე. „თბილისის“ იტოვებს უფლებას ყოველ ლოტზე ინდივიდუალურად განსაზღვროს შესაბამისი პრემია. ასეთის არ არსებობის შემთხვევაში იგულისხმება რომ „თბილისის“ მიერ განსაზღვრული პრემია გამოითვლება შემდეგნაირად:
Hammer Price-ის 28% - პირველ 40000 ლარზე; პლუს
Hammer Price-სის 25% - 40001 ლარიდან და 800000 ლარამდე; პლუს
Hammer Price-ის 20% - 800,001 ლარიდან და 4,500,000 ლარამდე; პლუს
Hammer Price-ის 14.5% - 4,500,000 ლარზე ზევით
9.3. Hammer Price -ის 0% - იპოთეკის და გირავნობის საგნების რეალიზაციისას.
9.4. მყიდველი პასუხისმგებელია ლოტის შენახვისა და დამუშავების ხარჯების ანაზღაურებაზე, ასეთის არსებობის შემთხვევაში.
9.5. მყიდველის პრემია და მყიდველის მიერ ჩვენი მომსახურებისთვის გადასახდელი ყველა სხვა გადასახადი ექვემდებარება დღგ-ს მოქმედი განაკვეთით - ამჟამად 18%. დღგ ასევე შეიძლება გადასახდელი იყოს ლოტის Hammer Price-ზე, სადაც ეს მითითებულია ლოტის ნომრის გვერდით სიმბოლოთი.
10. გაყიდვის შემდეგ
10.1. აუქციონში გამარჯვების შემდეგ სააუქციონო სახლი გამოგიგზავნით ანგარიშ-ფაქტურას/ინვოისს; ასევე, შეგიძლიათ შეამოწმოთ აუქციონის შედეგები, რომლებიც თბილისის სააუქციონო სახლის ვებ-გვერდზე იქნება გამოქვეყნებული აუქციონის დასრულების შემდეგ.
10.2. თქვენ თანახმა ხართ გადაიხადოთ შესაბამისი საფასური და მიიღოთ ნებისმიერი ლოტი, რომელიც თქვენი ანგარიშიდან ამ წესების და პირობების შესაბამისად იქნა მოგებული აუქციონზე.
10.3. „თბილისის“ არ არის პასუხისმგებელი გაყიდვის შემდგომ ლოტის შენახვაზე, შესაბამისად ნივთის დაღუპვის რისკი აუქციონის დამთავრების მომენტში გადადის აუქციონში გამარჯვებულ მყიდველზე. „თბილისის“ თავად არ ახორციელებს ლოტის მიწოდებას. თუ სხვა რამ არ არის შეთანხმებული, ლოტის გაგზავნასთან დაკავშირებულ ნებისმიერ ხარჯზე პასუხისმგებელია მყიდველი.
11. გადახდა
11.1. თქვენი პასუხისმგებლობაა ლოტზე შეთავაზების გაკეთებამდე დარწმუნდეთ, რომ გაქვთ ხელმისაწვდომი თანხები შესყიდვის ფასისა და მყიდველის პრემიის (პლუს დღგ და ნებისმიერი სხვა გადასახადი და ხარჯები) სრულად გადასახდელად.
11.2. თუ თქვენ გაიმარჯვეთ აუქციონში, გადახდა უნდა განხორციელდეს აუქციონის დასრულების შემდეგ არაუგვიანეს მეორე სამუშაო დღის 16:30 საათამდე (თბილისის დროით), თუ ლოტთან დაკავშირებით არ არის რაიმე სხვა პირობა გამოქვეყნებული. რეგისტრირებული მყიდველის გარდა, სხვა მხარის მიერ განხორციელებული გადახდები შესაძლოა არ იქნას მიღებული. „თბილისის“იტოვებს უფლებას შეცვალოს გადახდის პირობები ნებისმიერ დროს.
12. ონლაინ გაყიდვების უზრუნველყოფა და სააუქციონო სახლის პასუხისმგებლობის შეზღუდვა
12.1. ვალუტის კონვერტაციის ნებისმიერი ინსტრუმენტი მოწოდებულია მხოლოდ თქვენი მოხერხებულობისთვის და წარმოადგენს მიახლოებით სახელმძღვანელო მითითებას ეკვივალენტური თანხის ვალუტაში. ამიტომ გირჩევთ, განახორციელოთ საკუთარი კვლევა მოქმედი გაცვლითი კურსების შესახებ ბიჯის განთავსებამდე. ჩვენ არ ვიღებთ პასუხისმგებლობას შეცდომებზე, რომლებიც შეიძლება წარმოიშვას ვალუტის კონვერტაციის შედეგად.
12.2. „თბილისის“ონლაინ გაყიდვები ოპერირებს იმ დაშვებით, რომ თქვენ განათავსებთ წინადადებებს თქვენი სახელით. იმ შემთხვევაში, თუ „თბილისის“ დათანხმდა განათავსოს ბიჯი თქვენი სახელით ონლაინ გაყიდვაში, განხორციელებულ ბიჯზე პასუხისმგებელი იქნებით თქვენ.
12.3. გასაყიდად შემოთავაზებული ლოტები განსხვავდება ასაკის, ტიპისა და მდგომარეობის მიხედვით, პოტენციური ხარვეზებით, ნაკლოვანებებით და გასაყიდად შემოთავაზებულია „როგორც არის“ ფორმატით - მათი მდგომარეობით, როგორც წარმოდგენილია გაყიდვის დროს. ლოტის აღწერილობები წარმოადგენს „თბილისის“ გონივრულ აზრს იმ პირობების ფარგლებში, რომლებშიც ისინი მოწოდებულია, იგი წარმოდგენილია ზოგადი მითითებისთვის და არ არის მიჩნეული და არ შეიძლება იქნას მიღებული, როგორც ლოტის სრული აღწერა. ლოტის აღწერილობა შეიძლება შეიცავდეს უზუსტობებს და ტიპოგრაფიულ შეცდომებს; ჩვენ არ ვიძლევით გარანტიას შინაარსის სიზუსტესა ან სისრულეზე, ან რაიმე დეფექტის აღნიშვნის ან გამოსწორების გარანტიას. ლოტის მდგომარეობასთან დაკავშირებული ანგარიში წარმოადგენს ჩვენს გონივრულ აზრს და მიზნად ისახავს შემოგთავაზოთ ზოგადი ხედვა ლოტის საერთო მდგომარეობის შესახებ. ონლაინ გამოსახულებები დამოკიდებულია კომპიუტერულ აღჭურვილობაზე და შესაძლოა სრული სიზუსტით არ ასახავდეს ლოტის ფერებსა და მსგავს მახასიათებლებს. მეხუთე თავში მოცემული გარანტიის გარდა, „თბილისის“ არ გთავაზობთ სხვა რაიმე გარანტიას ლოტის აღწერაზე, მდგომარეობაზე, სავარაუდო ღირებულებაზე, წარმოშობაზე ან ლოტის აღწერასთან და მახასიათებლებთან დაკავშირებულ სხვა საკითხებზე.
12.4. სააუქციონო სახლი იტოვებს უფლებას, ჩვენი ერთპიროვნული შეხედულებით გამოვასწოროთ ნებისმიერი შეცდომა ან ხარვეზი ონლაინ გაყიდვის ნებისმიერ ნაწილში და ნებისმიერ დროს შევიტანოთ ცვლილება ონლაინ აუქციონის ფუნქციონირებაში. „თბილისის“ გამორიცხავს მის პასუხისმგებლობას ლოტის ღირებულების შეფასების ან მისი მდგომარეობის აღწერისას გაუფრთხილებლობით დაშვებული შეცდომის შედეგად გამოწვეულ ზიანზე.
12.5. მოცემულ თავი არ გამორიცხავს გამყიდველის ან სააუქციონო სახლის პასუხისმგებლობას შემდეგ შემთხვევებში:
(I) თაღლითობა;
(II) ლოტის დაღუპვა ან დაზიანება რომელიც გამოწვეულია გამყიდველის ბრალით, ან იმ შემთხვევაში თუ ლოტის დაზიანება მოხდა აუქციონერის მფლობელობაში ყოფნისას აუქციონის დასრულებამდე, სააუქციონო სახლის უხეში გაუფრთხილებლობით;
(III) სხვა შემთხვევები რომელთა პასუხისმგებლობის გამორიცხვა დაუშვებელია საქართველოს კანონმდებლობით;
12.6. სააუქციონო სახლი არ იღებს პასუხისმგებლობას ონლაინ აუქციონის მიმდინარეობისას ტექნიკური ხარვეზით გამოწვეულ ზიანზე. სააუქციონო სახლი არ იძლევა ვებ-გვერდის უხარვეზოდ ფუნქციონირების გარანტიას.
12.7. სააუქციონო სახლი იტოვებს უფლებას გადასცეს თქვენს მიერ ვებ-გვერდზე მითითებული ინფორმაცია, აუქციონების ისტორია და სხვა რელევანტური ინფორმაცია საქართველოს კანონმდებლობითა თუ საერთაშორისო შეთანხმებით განსაზღვრულ უფლებამოსილ პირებს.
12.8. კანონით განსაზღვრულ სხვა უფლებებთან ერთად, სააუქციონო სახლი იტოვებს უფლებას საკუთარი შეხედულებით, მყიდველის წინაშე პასუხისმგებლობის
