სათაური: "სერაფიმი", მულტისამყაროს სერიიდან
ზომა: 60 x 80 სმ
მასალა: აკრილი, ტილო
წელი: 2021
მდგომარეობა: კარგი
გადახდის პერიოდი: აუქციონის დასრულებიდან 7 კალენდარული დღე.
„ადრეულ წარმოდგენებში ადამიანთა ცნობიერება სხვა კუთხით იყო მიმართული,
მაგალითად: საიქიოს, როგორც ზესკნელის ისე ქვესკნელის რწმენის იდეით
შემოიფარგლებოდა, რომელიც შემდგომ რელიგიების თეორიების განუყოფელი ნაწილი
გახდა და არ განიხილებოდა როგორც ჩვენი გალაქტიკის იქით სამყაროების
ფიზიკური არსებობა, აქცენტი კეთდებოდა მხოლოდ სულიერებაზე. და ამ
სულიერების და რწმენა წარმოდგენების შედეგია ქერუბიმის არსებობა. ქერუბიმი
ბიბლიაში არაერთგზის მოხსენიებული ფრთოსანი არსებაა, რომელიც ზეციურ
სხეულებს განეკუთვნება. ის იერარქიულად ერთ-ერთი ყველაზე ახლოს მდგომია
შემქმნელთან. და სწორედ ეს ნამუშევარი არის ძველ რწმენა -წარმოდგენებზე
დამყარებული სამყაროს ვიზუალიზაცია. თავად მულტისამყარო კი გულისხმობს,
სამყაროს ჰიპოთეტურ სურათს, რომელზეც აღნიშნულია ყველა შესაძლო სამყარო და
სხეულები. დროის ცვალებადობასთან და მეცნიერულ - ტექნოლოგიური მიღწევების
საფუძველზე, ჩვენივე ან სხვა სამყაროების თანაარსებობის თეორია ნელ-ნელა
მტკიცდებოდა და ახლა უკვე ბევრი მიზეზი მოიპოვება რომ მულტი სამყაროების
(ჩვენი სამყაროს ალტერნატივა) არსებობა დადასტურდეს.“
ბიოგრაფია:
ნინო
ბოსიკაშვილი დაიბადა
1986 წლის 15 ივნისს. იგი არის ქართველი ფერმწერი, ილუსტრატორი, ციფრული დიზაინერი.
მან განათლება მიიღო
2003-2007 წლებში თბილისის სახელმწიფო სამხატვრო აკადემიაში, ფერწერის რესტავრაციის მიმართულებით (ბაკალავრის ხარისხი) და
2008-2009 წლებში მედია/ხელოვნება/მულტიმედიის დიზაინის მიმართულებით (მაგისტრატურის
ხარისხი).
2018
წელს ავსტრალიურმა გამოცემა Capsulesbook Pictoria Voleume.2-მა ნინოს ნამუშევრები შეიყვანა მსოფლიოს საუკეთესო
ილუსტრატორების სიაში Capsulesbook Pictoria Voleume.2 - "The best
contemporary illustrator worldwide" (Australia) 2018.
ნინოს მონაწილეობა აქვს მიღებული მრავალ პერსონალურ და
ჯგუფურ გამოფენაში.
მათ შორის პერსონალური
გამოფენები: "ალტერნატიული
სამყარო 0-დან 1მდე" (TBC Gallery, თბილისი, 2018 წელი), "დრო" (ArtUp
Street Gallery Fabrika, თბილისი, 2018 წელი), "ენერგია,
სიცოცხლის ძალა" (ArtUp Street
Gallery, ბათუმი 2017 წელი), ელენე ახვლედიანის სახელობის ბავშვთა
სურათების გალერეა (თბილისი, 1998 წელი). ჯგუფური გამოფენები: F- Orma
project (ბურგოსი, ესპანეთი; გენუა, იტალია; თბილისი, 2020 წელი), ლუქსორის
ინტერნაციაონალური არტ სიმპოზიუმი (ეგვიპტე, 2019 წელი), Art Up (Street
Gallery, ბათუმი, 2019 წელი), "Life N Style" (MOMA თბილისი პრინტ
ფესტივალი, თბილისი, 2019 წელი), "არტისტერიუმი" თბილისის თანამედროვე
ხელოვნების
მე-11 საერთაშორისო გამოფენა (საქართველოს ისტორიის
მუზეუმი, თბილისი, 2018 წელი), "Stroke Art Fair" (გერმანია, მიუნხენი,
2018 წელი) და სხვ.
ნინოს ნამუშევრები
ინახება საქართველოსა და მის ფარგლებს გარეთ კერძო
კოლექციებში.